Sang Prabu Sane Ngrahayuang 18

Hyang Yesus Nguripin I Lasarus

224 Wenten cerita sujati saking , indik Hyang Yesus nguripin anake sane sampun padem.

225 Ring negara anak Ibrani, wenten anak lanang sane mapesengan Lasarus. Ipun masemeton sareng Ni Marta. Makakalih anake puniki maswitra becik sareng Hyang Yesus.

226 Nah kacerita, I Lasarus sedek sungkan keras. Rika raris Marta, ngabarin Hyang Yesus indik I Lasarus sungkan. Risedek punika, Hyang Yesus sedek wenten ring desa sane lianan. Mirengin paindikan I Lasarus sungkan, Hyang Yesus kari ring desa punika malih kalih dina. Risampune kalih dina punika, Hyang Yesus raris ngamanggil para sisiane tumuli ngandika sekadi puniki, 227 “I Lasarus suba mati. Lan ja jani kemu ka umahne I Lasarus!”

228 Nah kacerita mangkin, risampune Hyang Yesus lan para sisiane nampek ring genah I Lasaruse, kacunduk raris sareng Marta. Raris Marta matur sekadi puniki, 229 “Yening Iratu wenten driki tatkala I Lasarus sungkan, pastika ipun nenten ja padem.”

230 Raris Hyang Yesus ngandika sapuniki, 231 “I Lasarus bakal idup buin. Lan nyen ja pracaya kapining Tiang, ia bakal idup salamin-laminne. Krana Tiang sumber idup lan ngidupin anake ane suba mati. Pracayake ragane teken paundukane ene?”

232 Raris Marta masaur sapuniki, 233 “Tiang pracaya Iratu nenten tios Putran Sang Hyang Tunggal, taler Iratu nenten tios .”

234 Nah kacerita mangkin, Hyang Yesus sampun rauh ring kuburan Lasaruse kasarengin anake akeh. I Lasarus kapendem ring bukit batune sane sampun kapongpong kadadosang gua. Sawan I Lasaruse sampun petang dina ring kuburane lan sampun mebo keras. Yadiastun sampun mebo, Hyang Yesus nunden anake mangda mukak batu panekep guane punika.

235 Raris Hyang Yesus mapinunas sapuniki, 236 “Sang Hyang Tunggal, Titiang! Titiang ngaturang suksmaning manah turmaning mapinunas sapuniki, mangdane anake akeh puniki pracaya, Titiang utusan Aji.” Risampune mapinunas, raris Hyang Yesus majeritan, 237 “Lasarus, pesu ja!” Raris I Lasarus medal saking guane punika.

238 Nah, nyaksiang paindikane punika, anake akeh sane wenten rika pracaya ring Hyang Yesus.

Penuntun mabligbagan ring pasamuan:

1. Ngaturang penyuksma.

“Ngiring ja iraga ngaturang suksma mangkin. Semeton jagi ngaturang suksma indik napi?”

2. Ceritayang ja pakeweh semetone suang-suang raris iraga saling tunas icayang.

“Napike semeton wenten pakeweh mangkin?”

3. Ngwacen utawi mirengin paplajahane puniki.

4. Saurin ja pitakenne puniki:

“Napi sane plajahin iraga indik Sang Hyang Tunggal ring ceritane puniki?”

“Napi sane plajahin iraga indik manusa saking ceritane puniki?”

“Sekadi napike sapatutne iraga nyalanang idup manut pengajahane puniki?”

“Kapining sirake sapatutne iraga nyeritayang malih ceritane puniki?”